FAQ

Wéi kann ech mech op d’Show virbereeden?

Et ass net néideg, dech fir de Pre-Casting oder de Casting virzebereeden. D’Kandidaten, déi de Casting packen an un de Studio-Episoden deelhuelen, kréien ee social media Training souwéi en Training vu BeeSecure. Den éischten Dréidag gëtt eng „Mock-episode“ gedréint, wou alles sou ofleeft wéi an der richteger Show, just dass se net wäert diffuséiert ginn. D’Kandidate kréien sou e genaut Gefill dofir, wat si erwaart a ginn sou op den Tournage virbereet. Zousätzlech kréien si all eng Formatioun zu den Outil'en déi si wärend der Show benotze kënnen (Stechsee, Multimeter etc.) 

Wéi eng Sprooche muss ee schwätze kënnen? 

Bei Take Off ass jidderee wëllkomm, egal wéi eng Sprooch ee schwätzt. Lëtzebuergesch ass kee Muss. Fir dass d'Kandidaten ënnerteneen awer kënne gutt kommunizéieren, ass Englesch eng Viraussetzung.

Wat kann ee gewannen?

De Gewënner oder d'Gewënnerin vun der Show kritt 10.000€.
Déi zweet Plaz kritt e Präis vu 5.000€.

Wou gëtt gedréint?

D'Studio-Episode ginn zu Esch Belval gedréint. Et besteet d'Méiglechkeet wärend dem Dréih zu Esch an der Jugendherberg ze schlofen. 

Wéi eng Deeg muss ech disponibel si fir kënne matzemaachen? 

All Kandidat verpflicht sech, fir bei den Tournage-Deeg present ze sinn. Dat si follgend Datumer: 

Pre-Casting: 8. & 9. Juni 24
Casting: 2. an 3.  Juli 24
Studio-Episoden: 22. -30. August 24 & 7.- 14. November 24
Finall: Enn Dezember 24  (tbc)

Déi Kandidaten, déi am Laf vun de Studio-Episoden ausscheeden, mussen zwar net méi fir déi nächst Studio-Episode kommen, ma mussen trotzdeem fir d'Finall do sinn. 

Verpassen ech puer Deeg an der Schoul? 

Déi Kandidaten, déi et bis an d'Episoden 8-13 packen, gi puer Deeg vun der Schoul fräigestallt. D'Produktioun iwwerhëlt déi néideg Démarche beim Ministère. Follgend Dréi-Deeg falen an d'Schoulzäit: 

8. - 14. November 24, Enn Dezember 24  (tbc)

Vu weem ass dës Initiative?

Take Off ass eng gemeinsam Initiative vun der André Losch Fondation (ALF) an dem Fonds National de la Recherche (FNR). RTL ass Partner vun der Show, wäert d’Show 2024 op hirem Televisiouns-Kanal RTL an op der Websäit RTL Play diffuséieren. D‘ Show gëtt produzéiert vun den dräi Agence FreeLens TV, MOAST Creative Studio a Brainplug. Mir schaffen an Zesummenaarbecht mat der estnescher Agence Kvark fir wëssenschaftlech Inhalter z'entwéckelen.

Du hues nach méi Froen?

Dann zéck net eis ze kontaktéieren! Schreif eng E-Mail un: info(at)takeoffshow.lu. Mir freeën eis, vun dir ze héieren!